منتدي q8-one.com - هضحكك يعني هضحكك

هاي يا ماجيكاويه عاملين ايه رجعتلكو تاني بحبة اغاني كده متغيره كلماتها زي زمان يارب تعجبكم
اولا عمرو دياب -- قالتلي قول

قالتلي فوووول .. بالسلطة ولا الحبهان.. قولتلها يع .. قالتي ايه دا الحبهان دا طعمه جنان
طب جرب حبة.. واستطعم الأكل يا مان ..خدلك حتة وانجز ..ماتبئاش حيوان
قولتلها غوري في داهية .وكفاية جنان
ثانيا تامر حسني -- اعتذري

اعتذري للي هياكل بعدي خليه يسامحني اصل انا مسبتش ولا لقمه في طبقي ومبقاش فيه اكل عندنا
انا مش قلقان عليكو عارف اكيد هتتصرفوا هتطلبو ديليفري يجيكو وبالسم الهاري تطفحوا
متنسونيش طب في بطاطساية أحبس بيها اللقمه
ولا هتبقوا جنتل معايا واخد منكم قطمه
ثالثا لؤي -- واحد من الناس

كان ساندويتش فراخ.. زي أي فراخ .. عليه كاتشب ومستردة ومايونيز وخلاص
بس الجبنة مش سايحانة ..سايحانة بحالها ..والكاتشب دا عليه دبانة ..دبانة طايرة في حالها
سمنة وملح وخل وشطة هي الحاااال .. واللي يدوق يحتاس..يحتاااااس
رابعا محمود العسيلي -- تررم

كان مرة فية مادة اسمها فزيا غاباوتها مش طبيعية
كل ماجى اذاكرها احس انها هندية
تعبانا وقرفانا
ومسائلها مبهدلانا
تبصلنا و تقول ما تحلونى فى ايه
مش فاهمه منها حاجة ..و لا ايه اخرتها معانا
نفسنا نرتاح من اللى احنا فيه
الراخمة و التاناحة والغاباوه و القباحة
كل الناس اللى ذاكروها يبقو خلاص حيقطعوها
او يرووحو يحرقوها و يخلصوا من ابوها
لو كان وزيرنا شالها من المنهج
كان قصر ونيمنا
بدل نعد نذاكر وعيونا كده وجعانا
كارهنا ومش طايقنها ومخنؤين منها
وبنفضل نقول بتعملى كده ليه
حتفضل كده معانا قارفانا و خانئانا بس نبقى عارفين اخرتها ايه
الراخمة و التاناحة والغاباوه و القباحة
كل الناس اللى ذاكروها يبقو خلاص حيقطعوها
او يوروحو يحرقوها و يخلصوا من ابوها
يارب تكون عجبتكم وضحكتوا شويه صغننين