كالعاده
أغنية راب
(مودى راب)
(مفيش فايده)

عشان بحب مصر أنا هقول الكلام اللي جاي ده
مصر هي أمي رغم كل حاجه سايده
عشان بحب مصر أنا هقول الكلام اللي جاي ده
هعللي صوتي لكن في سري أقول مفيش فايده











اللي بينداس عليه بالجزمه بيدوس عاللي بعده
لازم تكتمل الدايره العشوائيه لو سامعينّي رُدّوا
ما انا محتاج أعيش يخرب بيت ده مجتمع
كله بياكل في بعضه
شر في كل حته مُتسع






لو جيت تبص في الشوارع الزباله في كل حته
زحمه من أول ما تصحى الصبح لحد الساعه سته






فوضى
كل مدى بنيجي بننزل أوطى
خاوته
صداع في راسي في عرض لحظه صامته








لو راضيين عن الحكومه ردوا قولوا ليه راضيين
خايفين من الكرباج جمب الحيطه ملزقين







سكوتي معناه إحباطي لو راضي عن النظام
خُد نفس من السيجاره لما تدوخ إبقى إدخل نام







المصري متهان في بلده
المصري متهان في العالم
المصري كلنا سنده
المصري إنسان له مظالم








الإستقلال التام كان شعارنا من نص قرن
لحد الوقتي مُحتَلين بنحاول نطلع من الفرن









عشان بحب مصر أنا هقول الكلام اللي جاي ده
مصر هي أمي رغم كل حاجه سايده
عشان بحب مصر أنا هقول الكلام اللي جاي ده
هعللي صوتي لكن في سري أقول مفيش فايده







أنا مصري إبن مصري وليه الشرف
برغم المهانه برغم القرف
برغم الزباله اللي ماليه الشوارع
برغم الفساد اللي بيه أعترف



برغم المجاعه اللي داخلين عليها
وفينا اللي عايش حياته في ترف
برغم البطاله في أوضه وصاله
برغم إن آخر جنيه إتصرف












المسئولين اللي ماسكين كل الكراسي في الوزاره
تبص تلاقي أقل واحد فيهم عنده 100 سنه
ولما تيجي تسمع كلمه واحده يجيلك المراره
تيجي تشكيله من حاجه يقولك إشمعنى أنا








حكومة التصريحات الشعارات اللت الفاضي
القاضي على كل أحلام البشريه زي الوحش السادي






يسمعونا أحلى كلام عند التنفيذ إنساني يا ابا
هنبنيلكوا كام مدينه نيجي نشوف نلاقي خرابه







في البلد دي مفيش أمان من جهاز الأمن
الجيش المصري بيتدرب عشان يحارب الشعب







ظباط الشرطه المصريه دول مرضى نفسيين
هايجين لما بيضربوا الناس في اقسام الشرطه اللي بقت جحيم







محدش بيفكر فيهم دول عاملين زي القطيع
اللي بينفذ الأوامر زي الصيني اللي عاوز يبيع






رجعنا مُحتَلين فكرياً من كتر التهييس
لو كانوا شافونا أجدادنا مكانوش حاربوا الإنجليز







عشان بحب مصر أنا هقول الكلام اللي جاي ده
مصر هي أمي رغم كل حاجه سايده
عشان بحب مصر أنا هقول الكلام اللي جاي ده
هعللي صوتي لكن في سري أقول مفيش فايده