منتديات كيو ون q8-one - موضوع هام جدا "المنتخب والضغوط الاعلاميه التى طعنت شرف الاعبين"

بسم الله الرحمن الرحيم
السلام عليكم

طبعا انا عملت موضوع فيه خبر ان المنتخب اتسرق بعد ماتش ايطاليا فقامت البعثه بتبليغ الشرطه طب ازاى الدوله اللى منظمه كاس العالم يكون فيها سرقه فقامت جماعه فى جنوب افريقيا الله اعلم مين هى باعلان ان الفريق اتسرق بسبب اصطحاب اللاعبين لبنات ليل"انا اسف" معهم فى الغرف وهم اللى سرقوهم
انتم تصدقوا دة على الاعبين المحترمين اللى فيهم ابو تريكه واحمد حسن ؟!
وطبعا عمرو اديب انا مش عارف ايه نظامه
على العموم الفديوهات دى اللى هى اللى هتوضحلكم واسبكم تعرفوا نظامه ايه
*
*
*
***************************
اولا : دة بعد ماتش البرازيل شوفوا هيقول ايه على اللاعبين والمنتخب

http://www.youtube.com/watch?v=H-Sk3r_b-RU

ثانيا :دة فيديو لعمرو اديب بعد الفوز على ايطاليا
شوفوا بيقول ايه على الاعبين والفوز

http://www.youtube.com/watch?v=_3n2c1VZ0Mw

ثالثا : دة فيديو لعمرو اديب بعد الخسارة من امريكا

http://www.youtube.com/watch?v=4KUZHPANYN4

فيه اعلامى محترم يقول كدة على لعيبه بلدة اللى فيهم ابو تريكه اللى كان من ضمن المسرقين واحمد حسن
هم دول فريق الساجدين اللى العالم اتكلم على السجود المتكرر بتعهم
عارفين ان برنامج القاهرة اليوم هو الوحيد اللى قال كدة على المنتخب

يا جماعه عيب لازم نقف مع المنتخب بتاعنا فى وقت الشدة زى منبنفرح ونسعد فى وقت الفوز
انتم تعرفوا ان ابو تريكه قرر يعتزل دولى بعد اللى اتقال عليه هو واحمد حسن
وتعرفوا بسبب الاستاذ عمرو اديب بعض زوجات اللاعبين بعد معرفوا الحكايه مش راضين يردوا على تلفوناتهم
وعلى فكرة احمد حسن اجمع هو وزيدان وباقى اللاعبين ان لو منزلش اعتزار رسمى من عمرو اديب مش هيكملوا تدريب وزيدان كان هيسافر ايطاليا النهاردة عارفين معنى كدة ايه يعنى معجش هيبقى فيه كورة فى مصر خالص
متخيليين الحكايه ان الناس اللى فازوا بكاس افريقيا 2006 و 2008 وبهروا العالم امام البرازيل وبطله العالم ايطاليا مش هيكملوا
طب العيب فيهم ولا فينا .
**************
ممكن طلب اخير
1.عاوزكم تقولوا هل فيه حد يشك ان الاعبين المحترمين "منتخب الساجدين" يجيبوا بنات ليل "انا اسف" فى غرفهم وهم اللى سرقوهم .
2.ايه رايكم فى اللى قاله عمرو اديب .
3هل يستحق المنتخب الاعتذار الرسمى من عمرو اديب ؟

اتمنى انكم تردوا وتشاركوا معايا ونحاول بقدر الامكان اننا نساند المنتخب ونقف ضد اى حد يحاول تسؤى سمعه الاعبين ايوة كانوا غير جيدين فنيا ....بس هل كانوا غير جيدين اخلاقيا ؟!

منتظر تعلقاتكم وارائكم
والسلام عليكم ورحمه الله وبركاته