منتدي q8-one.com - من أرادو أن يمكرو على الله ( قصة أبطلها أعضاء المنتدى ) eima .

منتدي q8-one.com (http://www.q8-one.com/vb/index.php)

- الابداعات الفنيه للاعضاء (http://www.q8-one.com/vb/forumdisplay.php?f=45)

من أرادو أن يمكرو على الله ( قصة أبطلها أعضاء المنتدى ) eima .

قبل أن تبدأ القصة أحب أن أشكر الأعضاء بثقتهم في واشكرهم على استعار أساميهم فى القصة وأتمنى أن تنال أعجابكم .

تبدأ القصة بعد حرب اليمن لما رجع عماد وكانت شهرته من الحرب وربنا فتح عليه هنا فى بورسعيد فى محل كان بيبيع الباله جملة وكان المحل فى شارع الغورى وكان عماد غير باسط اليد وخاصة على امه فكانت دعوتها دائما ( ربنا يجعل مالك للغير ) فكان يقول لها دعوتك مش هتستجاب أنتى مش الخضرا .

ويرد أن يتزوج عماد من فتاه فتعرف على ( كارمن ) وكانت من النوع البنت الحادة فى لغتها ولكن كان لها نوع من ***** برغم طريقة كلامها فكان يحس جمال بأنجذاب وطمأنينة فى وجهها الملائكى وكان يشهد لها الكل بأنها بــ 100 راجل وتقدم لها عماد وتمت مراسم الزواج وتزوج عماد فوق بيت العائلة وكان البيت فى شارع الدقهلية وهو شارع قلب العرب أو بمعنى اصح شارع أولاد البلد .

ولكن عماد كان يعلم ان له من الاخوة 3 من الصبيان و2 من البنات وكان هو أكبرهم ويعلم أن الله باسطها له وعنده من الخير المزيد والمزيد ولكن الشح الذى كان فيه كان يمنعه من أن يساعد اخوته .

ولكن تمر السنوات حتى تمر 4 سنوات ولم ينجب عماد وتعلم كارمن أن العيب قد يكون في عماد ولكن تصبر وتحتسب هذا عند الله لعل وعسي أن يحدث هذا بعد ذلك فأن الله قدير على كل شيئ .

ولكن في يوم من الايام وكان الشتاء قارص والمطر على زجاج منافذ البيوت فيستعد عماد لأرتداء ملابس الخروج فكان عماد لا يفوتة فرض الا ان يؤديه فى جماعة ولكن عند الباب يرى بعد فتحه لفة من القماش .

يا الله ما هذا أنه ولد ولكنه يظهر عليه بأنه لم يمر أسبوع عليه فهو كمثل اللحمة الحمراء فيأخذه ويدخل به الى الداخل وتستيقظ كارمن فلما رأت وجه هذا الطفل قد رق قلبها له وقالت لقد بعته الله لنا لكى نعتنى به وقد يكون السند فى الكبر فانت تعلم وأنا أعلم أننا ليس بمنجبين من أطفال مهما كانت ظروف هذا الطفل فأن أهله يعلمون بهذا بأن أننا ليس بمنجبين ووضعوه أمام بيتنا قاصدين ويعلمون أنك فى هذه الساعة قد تكون ذاهب الى المسجد فاستحلفك بأن نتبنى هذا الطفل ولكن يقف الحج عماد مزهولا من كلام كارمن وينظر اليها ويقول ..............

يتبــــــــــــــــــــــــ eima ــــــــــــــــــــــع ...

دى جزء صغير جدا ً من القصة وعاوزين نشوف النقد أو التشجيع

سورى كارمن خليتك فى مقدمة القصة علشان أنتى الوحيدة اللى هتستحملى الدور ده ومش هتكلى .

شكرا ً ليكى كارمن ................................

حلوة يا ايمى

ولكن فين اسمى
(على)

انا حطيتهمن الاول

سورى على بجد لأن فيه 2 على فى القصة أنت ما أخدتش بالك ولا أيه

وشكرا لردك ومتابعتك .

اوك يا كارمن متابعين معاكى

وتسلم ايدك وبالتوفيق

جمييييييييييييل بس فين دوري انا نفسي اكون حاجة جامدة

اده
يعنى يا ايمى مش هدخل لالا انا كده هزعل

طب ميزينى (على محمد)
كده حلو؟

ميرسى ليك ايما على القصه
واحنا متابعين وعارفين ان شاء الله انها هتكون جامده جدا
تسلملنا

أولآ أنا أحب أشكر كل من ساهم فى الرد أو التشجيع .

والعضو البرنس الوحدانى والعضو برنس الاسكندرية أدواركم جايه ماتقلقوش

وعاوزينك تستحملينا للأخر يا كارمن معلش

شكرا للجميع .....

الجــــــــــزء الثانــــــــــــى ( ألسنتهم كالعسل وقلوبهم كالذئاب ) ....

يقول لها الحج عماد :

بس أحنا نشوف الاول أيه اللى هيحصل خلال الشهر ده ولو كدا ماشي وغير كدا انا معرفش هقول أيه لأهلى تحت وهقول أيه للجيران وأصحابي اللى عارفين عنى كل حاجة وغير كدا لازم أدور على أهل الطفل ده ولو مالوش أهل هتبناه أزاى أنتى مفكراها سهله وأنتى مفكرة ان اللى تحت هيرضو دول ليهم فى الاخر ورث لو كتبته بأسمى الطفل ده يبقي الناس دى هتولع فيه ولو ما كتبت ليه لو كبر يبقي أزمة نفسية ليه فى الكبر أنا دماغي وجعتنى أنا هريح شويه مش قادر ..

ولكن كارمن تقول فى نبرة أول مرة يسمعها الحج عماد فى صوتها نبرة فيها أمومة الامومة اللى محرومة منها كارمن عدة سنين تقول له طب تعالا ننزل نشوف أكل للواد أكيد هو ما بيكلش وليه حاجة تانيه يبقي ننزل نشوف فى الصيدليات اى حاجة يكلها حرام وغير كده عاوزين غيرات وعاوزين ... يقطع كلامها الحج عماد ويضع يده على فمها ويقول أنتى صدقتى انك أمه ..

يشعر الحج عماد كانه قذف قنبلة فى وجة كارمن ولكن كيف يعيد قنبلتة كما كانت .

فكانت كارمن فى قمة الشعور بأمومة والاحساس بها والاحساس ما يفعله من فى سنها وبين يديهم طفل لهم وشعرت بهذا الطفل بأنه عزيز لديها فكان جوابها للحج عماد دمعه تنزل من عين كارمن يا الله هل هذه كارمن القوية كما يقولون ما شكل دمعها هذا انها كانت أحر دمعه سقط على خدها أنها دمعة الحرمان ...

ومد يده الحج عماد وقال لها انا أول مره أشوف دموعك يا كارمن ومدام الطفل ده نزل دمعه من عنيكى وأنا مقرش علي دموعك أنا هاسميه رامى حلو أسم رامى يا ستى ولا لا مش كان فى فترة خطوبتنا كنتى بتقولى لو ربنا رزقنا ولد هنسميه رامى حاضر يا كارمن وهخلصلك أجرات التبنى .

فما كان من كارمن ان وضعت رامى على السرير بحنية الام الغريزة فى كل أنسان وأبتسمت ومدت يديها لتمسح دمعتها الصغيرة فكان وجهها كمثل البدر وكان جميع الاحاسيس فى هذا الوقت فى هذه اللحظة ( البكاء / الحزن / الفرح / الامومة / الحرمان / التعويض من الله / الخوف من الغد / الخوف من ضياع هذا الطفل ).

ونزلت كارمن به فى الصباح وأحضرت له كل الاستلزامات وكان عيون الدهشة على الجميع حتى دخلت به بيت العائلة المكون من

أ أبراهيم وأ على وأ يوسف وكان البنتين سلمى ودينا
وحين علمو بالقصة أخذته سلمى وكانت فى سن 18 وكانت غايه فى الرقة والدلع عكس دينا فكانت من زى الطبع القاسي وأخذته سلمى وقالت هو أسمه رامى طب ندلعو بأيه لما يكبر نسألة فضحك الاخرون وقال أ أبراهيم للحج عماد
عندى لك طريقة حتى يكون أبنا شرعيا ً فى دفاتر الحكومة وهى أن ترفع قضية رفض نسب وتقوم بتطليق كارمن وترفع قضية صلح واقبال النسب وهكذا يكون أبنا ً شرعيا كمثل اى طفل .

فارادو أن يمكرو على الله والله خير الماكرين وبالفعل
قام الحج عماد برفع قضية رفض نسب ثم قام بالصلح ورفع قضية صلح مع كارمن بعد الطلاق وأعدها ووقف ا أبراهيم وأ يوسف أمام القاضي والشهود بنسب الطفل رامى الى أبوة الحج عماد وقال القاضي .......

يتبـــــــــــــــــــــ eima ـــــــــــــــــــــــــع .....