|
هتعمل ايه لو باباها رفع السماعه يا ......!!!!
اكيد وصلو المعني من العنوان الا صحيح تعمل ايه لو ابوها رفع السماعه !!! تخيل سعادتك كده مأنتخ علي السرير الساعة اتنين بالليل ومضلم الأوضة ومسلك سلك التليفون من الصالة,وواخد غطس تحت اللحاف وفي وسط الأشواق الملهلبة... بتحبني ياتوفيق؟ طبعا ياجمالات دا نتي الهوا اللي بتنفسه والميه اللي بشربها.. .. ناقص تقولها السجارة اللي بتعملى دماغ يعني مش هتتخلي عني أبدا عمري ياحبي وحتي تنطفيء النجوم وحتي يقع القمر وحتي يفوز الزمالك علي الأهلي عيب تقولي كده ياجمالات سمعتي أغنية بحبك بتاعة رامي صبري؟. اه مالها ياحبيبي.... .كل كلمة فيها بتفكرني بيكي يانور عيني بحبك نفسي أقولهالك: وانا ايدي في ايد.... وفجأه ... نعم يا.........؟ .وهنا هنقول ستوب ونوقف المشهد ونبدأ نسأل السؤال هتعمل ايه ساعتها يا حلو ؟طب تيجى نتخيل سيناريوهات مختلفة للي ممكن يحصل ممكن مثلا تقفل السكة وطبعا لمدة اتناشر سنه قدام هتلاقي البت تليفونها مقفول ومبتجيش جامعة.......والسيناريو ده يجرنا لتساؤل تاني في الحاله دي تعمل واد محترم بقي وتروح تتقدملها وغرضي شريف واسف ياعمي وجاي من الباب والكلام ده ولا تبقي واد روش موديل 2009خارج من الاجنص حالا وتخلي واحدة صاحبتها تكلمها؟ ولا تطلع ندل وتنفضلها واهو البنات اكتر من الهم علي القلب وتيجي واحدة مكانها؟ ده سيناريو مكتمل محتمل للي ممكن يحصل فيه سيناريو تاني .نعم يا.........؟......ده أبوها ساعتها انت موش هتقفل السكة ثواني ياعمي أنا والله بحب جمالات بس مستني وقت أرتبط بيها وهنا هيختلف رد فعل الأب حسب شخصيته يعني ممكن يكون راجل جنتل ويقولك حب ايه ياحيلة الست الحاجة روح ياض العب بعيد وممكن يكون راجل عقلاني.... هو يابني اللي يحب حد يكلمه الساعة دي لو اختك ترضي حد يكلمها كده؟ يابني اللي بيحب حد ميخلهوش يعمل حاجه غلط ولو حتي باسم الحب .وعموما يابني ممكن أعرف انت عايز ايه دلوقت؟ وهنا هتبان نواياك يااما تاخد منه معاد تقابله وتكلمه وتشرحله ظروفك يااما تقول ياعمي انا نفسي اكلمها وافضل معاها سنتين تلاتة لحد مااكون نفسي وطبعا بما أنه راجل محترم فرده هيبقي .تك....صوت سماعة بتتحط وسكة بتتقفل في وشك فيه سيناريو تالت أنك تطلع ندل وترد عليه ماتشتمش يابا الحاج انت متلم بنتك ياأخويا انا مضربتهاش علي ايدها وطبعا رد فعل الراجل علي بق زي ده يااما هيقع علي الكرسي من الصدمة وتسمع صوت (بابا بابا) أو هيرد علي كلامك وممكن يبقي فيه سيناريو تالت أول ماابوها يدخل...هتلاقي جمالاات بتقولك ثواني ياتيفا...بتدلعك ياعم مين قدك يابختك فيه حاجة يابابا مخبطتش ليه قبل ماتدخل. .معلش ياجمالاات اصلي كنت بدور علي حاجة معلش اني مخبطتش .طيب يابابا عاوز حاجة؟ لا خلاص هدور في أوضة تانية وفيه سيناريو كمان .وده بقي محتاج واد ابن جنية وهو انك اول ماتلاقي صوت أبوها فجأة ترقق صوتك علي قد ماتقدر وتعمل نفسك واحدة صحبتها وعشان السيناريو ده ينجح فانت محتاج أب اهبل عشان يصدقه أو ممكن حاجة أسهل انك تتكلم بمنتهي الأدب انك أخو واحدة صحبتها وكنت بتسأل عن أختك لأنها لسه مرجعتش وفي الحالة دي يااما الراجل هيديك فاصل شتيمة في أختك وفي نخوتك وأخلاقك (أوعي تصدق نفسك وترد عليه لأنك مفيش أخت ولا حاجة) أو ممكن يطلع الراجل تربية فكرية ويصدق ويقولك أما توصل يابني ابقوا طمنونا طبعا أنا مقلتش الموضوع من ناحية البنت بمعني لو أبوكي رفع السماعة(مش تعصب ضد حقوق المرأه لا سمح الله) بس لأن السيناريو معروف وده تقريبا اللى بيحصل .لو أبوها راجل ودمه حامي فيبقي اللي تقدر تعمله بس انها تكون لها علاقات في المستشفيات خصوصا قسم العظام عشان يتوصوا بيها و بيك انت كمان ايه رايك انت وهى وهو وهو فى الكلام ده اساسى بيحصل وممكن يكون حد فيكو عرف كام موقف من ده اما صديقه او هو نفسه او اى حد معرفه قولى بقي يا حدق هتعمل انت ايه لو حصلك الموقف ده ؟؟ وانتى كمان يا قمرايه انتى لو حصلك الموقف ده حطى نفسك مكان جمالات وقوليلنا رد فعلك |
والله انا عن نفسى لو هكلم حد لازم اهلها يكونوا عارفين علشان ما يحصلش لى موقف بعد كده او لو اهلها ما يعرفوش ما اكلمهاش فى اى وقت
وتسلمى يا تقوى |
انا عن نفسى
اول ما هسمع صوت حد غريب غير صوتها لازم اقفل التليفون وممكن اشيل التليفون خالص شكرا يا تقوى على الموضوع الجميل دا |
اولا مشكورة ع الموضوع
ثانيا ما فيه اختراع اسمه موبايل يعني هو لازم أتكلم على تليفون البيت وأوها يرد بقى ويقرفني وبعدين لما أعوزها مأنا هاخد منها معاد ونتقابل وخلاص ولو محتاجها ضروري فزي ما قولتلك ع الموبايل وطبعا أبوها عمره ما هيسألها بتكلمي مين؟ |
هههههههههههههه
موضوع جامد جدا يا تقوى اقصد يا من..... والله بيحصل بس مش شرط مع ابوها لان ابوها بينام بدرى بيكون عنده شغل بدرى ممكن امها هههههههههههه ودى ممكن واحد عنده حنجرة مظبوطة كده ويكون عارف واحده من زميلات جمالات ويقولها ايوة يا طنط انا شوقيه زميلة جمالات فى المدرسة هيا راحت فين كده قامت مرة واحده من غير ماتقولى وطبعا امها هتاكل الدور وتقولها ثانية واحده يا حبيبتى جمالات معاكى اهيه ههههههههههه بس اكيد ممكن يكون عنده بلغم على صدرهمن السجاير وتكشفه وساعتها ينسى الموضوع علشان جمالات هتاكل علقة تمام ههههههههههههههههه |
اقتباس:
|
اقتباس:
مشكور ع المشاركه الجميله دي |
اقتباس:
مشكور ياميدو ع المرور |
اقتباس:
اقصد ع راحتك ياعمنا بس فكره برده هههههههه بس ده لو امها ست طيبه بدرجه ماتتوصفش تمشي عليها التمثلية مشكور يارضوان ع المشاركه الجميله دي |
لا بتحصل يا تقوى صدقينى
الصراحة حصل الموضوع ده قدامى هههه |
| الساعة الآن 04:17 PM. |
Powered by vBulletin® Version 3.8.12 by vBS
Copyright ©2000 - 2024, Jelsoft Enterprises Ltd.
TranZ By World 4Arab
www.q8-one.com