ذكرياتنا يلا نفتكرها ..... (eima )
 

الموضوع بأختصار :

أكيد لكل واحد منا ذكريات وممكن ذكرياتنا تقرب أروحنا من بعض وممكن نعيش لحظات بعض اللى مرينا بيها وفيه منهم المضحك والمبكى وفيه منه لا يصدقه عقل وأحنا مش هنكذبك بس قول لعل الابتسامة تترسم على الشفاه .

ده الموضوع بأختصار ....

ياترى مين أول واحد هيقول ذكرى ليه ....:-?

ولا فاهم اي حاجة

هبسطهالك .

((( عندك موقف حصل ليك ممكن تحكيه لينا )))

هبسطهاااااااااالك

بس يا سيدى انا هقولك موقف حصل ليا وانت قول بعدى موقف ليك أوك

اقولك بقي :

كنت راجع من الجيش وراكب بجو من المرج وكنا في رمضان وركبت حتة بنت مزة هى وامها وركبت ورا خالص وانا كنت راكب ورا السواق والباقي طلبة كليات المهم
وسمعت امها بترغى فى التلفون وتقول لواحد جبناها معانا علشان تحضر رمضان والعيد قلت اكيد تعبانة ربنا يشفيها وببص على الامورة لقتها بتاكل برتقان قلت اكيد الدكتور قايلها ما تصوميش وفجأة لقيت عصارة البرتقان اللى بتاكلة فى قفى اللى قدمها لقيته هيزعق قلتلة يا عم ربنا يشفيها تعبانة وسكت امها من كسفتها كبت ازازة المية فى قفاه علشان التلزيق وسكتنا الراجل بالعفية والحفلة بقت مسخرة وشوية ونمنا وسمعت يا معلم حتة قفه عمل بووم والله انا قولت نزل على قفايا انا من صوته وبضرب بعينى كده لقيت اللى جنبي ماسك قفاه اتقتلت ضحك وسكتناه وقلناله يا عم ادعلها بس بالشفا وعرفت ان الجاى فى الحفلة انا انا اللى عليا الدور وقمت لابس البريه على راسي ونايم ولقيت البريه بيتسحب من راسي قامت مسكاة و قالتلى عاوزة ارجع ترجعى مين يا روح خالتك على البريه هترجعى على البرية اللى بلبسه على راسي يالف نهار ابيض يا الف نهار مبروك وهى تشد وانا اشد واول ما شفت الطلعة البهية هتطلع قمت موجة الباريه على اول واحد صاحب تفل البرتقان وقامت مرجعه عليه وعلى اللى قدامة متقلش بترجع صواريخ باتروت هههههه وهووووب اللى جانبي شاف المنظر فضل يتمم الاول بكلم صغير مش مفهوم وبسرعه وبانت عليه علامات الاقرف قام مرجع على نفس الشخص اللى اترجع عليه وهوووووب اتقلبت تراجيع وانا عرفت كل واحد فى العربية كان اكل ايه فى السحور كل شيئ ظهر وانا من كتر الضحك كنت هموت مش قادر والسواق عيط من القرف ما هو اللى هيغسل العربية كان ناقصنا عيل صغير يعمل بيي بيي فى العربية وبقيت حاسس انى قاعد فى حمام التلاتينى من القرف وطول الطريق عبارة عن عربيه بيجو ماشيه وأزازها مفتوح والناس اللى فيها راسهم كلها طالعه من الازاز وده طبعا بسبب الريحة
كفاية بقي احسن افتكرت .

حد عنده موقف تانى يقوله

يا نهار أبيض ايه ده يا ايما دى كانت حفله
هههههههههههههههه
أنا بقى كنت مره أنا وصاحبتى مانوللى عضوه هنا فى المنتدى كنا راكبين المترو مره وواقفين قام المترو وقف فجأه رحت أنا غصب عنى وقعت على رجل الراجل اللى كان قاعد قدامى ومعرفتش أقوم ازاى أصلى كنت لابسه جزمه بلارينا فلات بتزحلق وكل ما أحاول أقوم من على رجل الراجل ألاقى نفسى مش عارفه ومانوللى واقفه اللى طالع عليها انها تضحك ومش بتساعدنى أقوم ولا أى حاجه فالحه بس تتضحك والراجل اللى أنا قاعده على رجله ساكت مبيعملش أى حاجه ولا بيبدى أى رد فعل كأنه كان شارب حاجه لحد ما جه واحد كتر خيره والله يستره شدنى من ايدى وقومنى وكانت مسخره المترو كله عمال يضحك وكنت فى نص هدومى
بس كده حد يقول حاجه تانى
وميرسى ليك ايما فكره حلوه جدا

لالالا ده أحراج بجد بس ده غصب بعنك هتعملى أيه

شكرا لمساهمتك الا ما بشفش غيرها فى المنتدى هههه هموت وأعرف الناس فين

أقولك ذكرى تانيه


قبل ما التحق بالحرس كنت فى سلاح حرس حدود وكان معروف عنى انى بايعها وكان العقيد عندنا شخصيته ضعيفة جدا تحس انه عسكرى قديم مش ظابط .
المهم
هناك في سينا وبالذات فى سانت كاترين اكتر حاجة ممكن تلاقيها الجمال والحمير والفران اكتر مماا تتخيلى وكان اول عيد كبير يجى علينا وشفت التعين وهو نازل حاجة كدا شبه اللحمة شبه الشباشب ما تفهميش المهم طبعا ازاى يعدى عيد من غير ما ادبح او اطلع اضحية ده يردينى لا طبعا
قمت رايح جايب 4 عساكر كان بيشتغلو جزارين واتفقت مع بتاع الميس انى رايح اجيب الاضحية بتاعتى علشان العيد بكرة
وكانت الكتيبة ملهاش صور اصلا ولقيت كام جمل من اللى طايحين فى الصحرا بس لقيت واحد ربنا هديه تحسي أن فى فمه لبانه كبيره تيجى كيلو وعمال يمضغها كان ناقصله نضارة شمس وكاب وهو قاعد متأمل كدا فى مالكوت الله قمت رايح عليه وقلتلة انت هنا وصاحبك بيدور عليك تعالى اجبلك شكلاته من الكنتين وسحبتة
هو او ما دخل نحية الميس بقي بعد شوية دقايق فى الحلل ( الازانات يعنى ) ومتولع عليه بس لسه فيه بقيت اثر للجثة الراس والفرو والعبلة بتاعتة سبت الكتيبة كلها ودفنتة تحت الجندارى ( العلم ) هو المكان الوحيد اللى كل الكتيبة عقبال ما بتروحله بنكون عاوزين تاكس رايح جاى ( وتويته ) وتانى يوم العقيد بيبص على التعين لقاه كتير لا كتير قوى كمان خير مد أيده و بياكل اللحمة لقاها لحمة جمل لسه هيزعق ويكتم فرحة العساكر بلقمة فطار العيد طبعا أول حاجة عاملها وقف من على التربيزة وفضل يبص على العساكر لحد ما جابنى ونده بصوته العذب اللى زى صوت الجمل عسكرى وليد هرشت طبعا قمت رايح من غير كلام ولا اى حاجة ايوة يا فندم انا صاحب الحفله الجمل ده بتاعى وانا اللى جبته وقف شويه الحق احلق وعلى السجن ..... على السجن يا روح امك انت وطقم الميس .
سجن سجن ايه يعنى بكتيره شهر وطالع بس العيال تاكل وتحس انه عيد ده حتى السجن بتاع الجيش بحس انى بطخن فيه كدا وبحلو وببيض ووشي بينور هههههههه ولا هشد خدمة ولا ديولو ا.
المهم شويه والبدو اجم وعاوزين جمالهم اللى اتاخد وشايفين اثره العقيد يرضيكم مافيش يا تجيب الجمل يا ناخد عسكرى مكانه من اللى بيقفو فى الصحرا حراسة كبلات يعنى هيبقي عسكرى وسلاح .
العقيد طالعو العسكرى ابن ال.... ( بيمدح فيا http://www.portsaid-online.com/commu...es/biggrin.gif ) شفت علشان تاكلو اديكو هتتاكلو قمت قايل ليه حضرتك افندم تسبنى احل الموضوع ده زى ما خربتة اصلحة قالى ازاى قلتلو عربية حراسة الكبلات تاخدنى معاها وانا هرجع بعد 3 ساعات وليك يا اخ ( على البدوى ) انك تاخد بدل الجمل 3 طبعا العقيد استغرب بس بعد المحايلة وافق بس لو اتحل مش هعد فى الكتيبة يوم المهم رحت عند ولاد حسان ولقيت جمال سارحة طبعا فلم هندى كبير علشان اربط 3 جمله كنت ناقص اعيط ليهم وفعلا تانى يوم رجعت زى عنتر ابن شداد بالجمال الحمر من ارض النعمان والعساكر تهلل والله اكبر ولا كأنى جيت من حرب اليمن ماشي واللى يحضنى واللى يبسنى طبعا جاى من 14 كيلو ماشى بلصحرا بالليل وبجر فى 3 جمال بس هما ياحرام كان متساهلين معايا جدا لدرجة انهم كانو بيجرو وانا للى بجرى قدامهم ههههه وكان فلم واخد البدوى 3 جمال مربوطين مكان الجمل للى أكلناه وانا خلصت والعقيد رزعنى 15 يوم سجن بس ما نزلوش فى الدفتر بعدها باسبوع كان فيه ضرب نار ما بين العلتين على الجمال واحنا مالنا ده احنا عساكر وما بنربيش جمال


مستنى ذكرى حلوة من اللى بعدى

والله انتو مسخرة مع ان في كلام كتير مفهمتهوش عشان انا مش عايش في مصر بس خد الحكايه ديه


انا مرة كنت في الاجازة الصيف يعني وكنا بنشيل في البيت عشان عنسافر وكان في فلم رعب اخر حاجة المهم اتفرجت عليه وسيبك يا معلمم قعدت طول الليل مش عارف انام فالمهم قلت اطلع برة عشان اهدي نفسي وسيبك بقى اي صوت ولا حركة افتكر نفسي عدبح ذي في الفلم

وبس رحت البلكونة وفجأة وانا قاعد بسمع اغاني لقيت شباكك بيولع و النور بينو وانا مش عارف اعمل ايه والباب بتاع البلكونة معلق وانا ميت من الرعب وبعد كل ده القيها ست بتنفض البلكونة اصل النهار طلع بس يلهوي الرعب مسكني قعدت يومين مش عارف انام

ههههههههههههه زى الفل

بس ده مش رعب قوى أمال انا اللى نمت يوم فى المشرحة ومعايا صحبي لا ودكتور ماسك المشرط يقص ويدينى ويقولى حطها على جنب وبعدين يقولى خيط معايا تخيل ان انت بتخيط صاحبك الساعة 4 الفجر وكمان ميت وكمان فى مشرحة وكمان لوحدك انت ودكتور وكل شويه الدكتور يقولك سرع أيدك ده يبقي أيه

قولت أنت بقي

مستنى الذكرى اللى بعدى

يا راجل !!!!