|
جدول مذاكره جامد جدا اضمن الأمتياز
**امتحان أول ماده لسه فاضل عليه 10 أيام يـادوب اقسم المادة والحق أذاكرها اللى بيحصل** بس الأول اتفـرج على فيلم واحد بس على الدش وابدأ أذاكر على طول النتيجة** أول يوم ضاع فاضل 9 ايام** امبـارح ضاع بس أيه يعني لسه 9 ايام بحالهم أكيد هخلص المادة ويمكن أجيب فيها امتياز كمان اللى بيحصل** امبارح نمت متأخر وصحيت بدري وقريت 3 ورقات انام شوية وأكمل ،، اصحى اتفرج على مسلسلين على 3 أفلام النتيجة** وآدي تاني يوم ضاع لسه 8 ايام** كده تمام لسه 8 أيام والمادة 80 صفحة يعني يادوب كل يوم 10 صفحات اللي بيحصل** أصحابي عدوا عليا نزلت وقفت معاهم شوية ويادوب طلعت بدري بس كنت تعبان نمت على طول النتيجة** يوم تاني ضاع باقي 7 ايام** إيه ده أسبوع بس دا أنا لازم امسك المادة أخلصها كلها واحنا لسه فيها اللى بيحصل ** بدأت الصبح وذاكرت بجد بتاع 7 ورقات كده بس اتغديت والأكل كبس عليا قلت أنام وأكمل بالليل وبالليل كان فيه حتة برنامج كوميدي جامد جدا ما قدرتش أقاومه النتيجة** يوم زي اللى قبله هانت كلها 6 ايام** يعني ممكن اقسم الماده كل يوم بتاع 14 او 15 صفحة وأخلصها بسرعة ومش لازم امتياز يعني جيد جدا كويس أوي اللي بيحصل** ذاكرت نص ساعة بحالها كفاية قوي كده ما أنا خلصت 12 ورقة اهو النتيجة** طبعا عارفينها باقي من الزمن 5 ايام** ياسلام كده يعني كل يوم 20 ورقة وآخر يوم مراجعة عامة دا أنا عبقري اللى بيحصل** قريت 20 ورقة بالعافية وبعدين هو انا هفضل أذاكر طول اليوم ،، عايز اعمل شات على النت شوية النتيجة** اهو يوم وعدى فاضل 4 ايام** كل اللى قريته مش فاكر منه حاجة يبقى نبدأ كل يوم 20 ورقة ومش لازم نراجع اللى بيحصل** النهارده جت شوية أفلام أكشن على الدش فضلت طول النهار أتفرج عليها النتيجة** مش لازم أقولها يعني كلها 3 ايام** نظام 20 ورقة كل يوم ده ماينفعش أنا هذاكر نص الملزمة النهارده اللى بيحصل** بعد 20 كوباية شاي و 16 فنجان قهوة ذاكرت 27 ورقة الصبح في ساعة كده بس هو أنا هفضل طول اليوم أذاكر ولا إيه كفايه كده النهارده وكفاية عليا أجيب 12 من 20 النتيجة** بدأت أذاكر اهو فاضل بكرة بس وبعده** يومين بحالهم يعني أكمل بقيت المادة النهارده وبكره أراجع اللى بيحصل** ميدو .. ميدو احنا نازلين المول جاي ولا لأ طبعا ماينفعش أقول لأصحابي لأ ليفتكروني دحيح ويحسدوني النتيجة** اللى بنيناه اتهد النهارده اخر يوم** يعني لازم انتحــر مــذاكرة اقلها أذاكــر 12 ســـاعـــة ده أنا امتحاني بكرة يا عالم اللى بيحصل** الحماس بيخليني اذاكر ساعتين تمام بس اعمل ايه في الصداع مش قادر أكمل أنام واصحى الفجر أذاكر و10 درجات كفاية أوي **النتيجة ربنا يستر فاضل ساعتين** الحق وانا رايح الامتحان أقرا باقي الورق اللى ما لحقتش أقراه و يادوب أجيب 8 وآخد درجات رأفة اللي بيحصل** البنت دي لابسه لبس جامد أوي هو الراجل ده بيبصلي كده ليه؟ عمرهم ما شافوا حد بيذاكر قبل كده النتيجة** الامتحان بدأ و أنا لسه ما كملتش نص الملزمة ،،،، والعزاء يوم ظهور النتيجة وهو ده حال ميدو كل أمتحان وحال كل طالب فاشل هههههههههههه |
ههههههههههههههههههههههههه ههههههههههههههههههههه
حالة كل طلا ب الجامعه والله يا ندا هابي نيو ير يا ندا ههههههههههههههههههه |
انت هتقولى ما انا عارفه يا جولدن مان ده انا اكبر مثال ونموذج وأنت طيب وان شاء الله تكون سنه سعيده علينا كلنا |
ههههههههههههههههههههههههه ههههههههههههههههههههه
ده العادى |
|
cheap Nfl Jerseys
|
بجد فعلا والله هو دة الي بيحصل ندا شكرا لكي |
ههههههههههههههههههههههههه ههههههههههههههههههه جامد فوكس تسلم ايدك |
فكرتينا بالذى مضى خلاص بقى خلصنا وارتحنا عقبال الكل يارب لما يخلص |
يعطيك العافيه
|
ايوه ايوه انا بعمل كده هههههههههههههههههههه يبقي اكيد هنجح ان شاء الله هههههههههههههههه ميرسي ياقمر تسلم ايدك
|
The lanscope belongs to the man who looks at it.
|
ميدو مين.....؟؟؟؟؟؟!!!!!!
ايه دا بقى دا بقى دا بقى ده؟!؟؟!؟!؟!؟؟!؟!؟؟!؟!؟!؟!؟!؟!!؟� �!؟!؟؟!؟!؟!؟؟!؟!!!؟؟!؟! ياريت نحافظ ع الكلام انتوا أكيد ما تقصدونيش أنا أنامش بعمل كدا خالص |
هههههههههههه
ميدو دا أخر حلاوة وطبعا انا اول ما شوفت الكلام ده قررت انى متعبش نفسى وبلاش امسك الماده اساسا شكرا ليكى ندا |
ههههههههههههههه ربنا يعينك يا ميدو |
ميرسى يا جماعه نورتوا الموضوع وربنا يهدى الجميع ونعدى على خير وان شاء الله كلنا ننجح ومحدش يعمل كده اوعواااااااااااا هااااااااااا انا بس اللى أعمل كده هههههههههههههههه |
| الساعة الآن 09:54 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir