|
سندريللا القرن 21 سنة 2009
{{ بالمصرى سندريلا }} ~~~~~~~~~~~~~~~ مرات الاب : بت يا سندريلا اصحى يا بت كاك خابط فى نفوخك سندريلا : اييييه يا مرات ابويا خمسه وحقوم مرات الاب: قومى يا بت قامت قيامتـك وصحيت سندريلا وهى بتأفأف مرات الاب : يـاله قومى اكنسـى وامسحى على ما نيجى سندريلا : فكك منى بقى وانتو رايحين فين ومتزوقين كده وكل واحده عامله نيو لوك مرات الاب : رايحين حفله الامييير اللى حيختار واحده عشان يتجوزهـا سندريلا : خدونى معاكو انا عاوزه اروح بليز مرات الاب : تروحى فين يا موكوسـه بلبسك المهرول ده انا عايزه ارجع الاقى البيت بيبرق ومشيت مرات الاب وبناتها التلاته وقعدت سندريلا تعيـط وفجــأه طلعتلها الســاحره من الميكروويف الساحره : مالك يا سندريلا سندريلا : كان نفسى اروح معـاهم الحفله بس لبسى مقطع و موبايلى مفيهوش رصيد ولابسه شبشب بصباع الساحره : ولا يهمك وطلعت من جيبها الموبايل وطلبت الاتليه بتاع مدام لولو يبعتو فستان وجزمه اخر موديـل فرحت سندريلا ولبست وحطط الايشادو و الجليتور ورشت البرفان بس الساحره قالتلها : قدامك للساعه 3 الفجر لازم ترجعى انا صعيديه ودمى حامى ومعنديش بنات تتأخر و لو اتأخرتى حترجعى زى ما كنتى بلبسك القديم وسط الناس سندريلا : حاضر حاضر اما ساحره رجعيه ومتخلفه صحيح خرجت سندريلا من البيت لقت الساحره مجهزة bmw ركبت سندريلا وراحت ع القصـر ولفت جمــالها كل اللى موجودين و اول ما عين الامير وقعت عليها راح وطلب يرقص معاها و وافقــت نظرات ... همسات .... صمــت ترررررررررن ترررررررررررن سندريلا : ده الساحره بتدينى ميسد .. يا خبر الساعه 3 وقامت طالعه تجرى قوم ايه وهى بتجرى فرده الجزمه البلارينا اتخلعت خدها الامير المعجب و نده للوزير الامير : يا وزير تـامر الوزير : امرك مولاى الامير : خد الجزمه دى اسحبلى صورتها اسكانر و نزل صورتها فى كل الجرايد و ع الويب سايت بتاع قريتنـا واكتب الى صاحبه هذه الجزمه التوجه للقصـر الملكــى بنات كتير جدا راحو و يا سبحان الله الجزمه مجتش على مقاس حد فيهم (ال يعنى سندريلا رجليها رجل معزه ) الى انا شاهدت سندريلا الاعلان عن فرده الجزمه على جميع قنوات ميلودى وبانوراما دراما وقامت بالتوجهه الى القصر وتزوجت هى والامير وعاشو فى تبات ونبات و خلفو تؤام ملتصق وشويه بنات.. |
قصة مش بطالة
|
انت علقت يا محمود على مش بطاله
هههههههههههههه ميرسى ليك عالمرور |
مش احسن لما اقول بايخة
|
وانت تقدر اصلا
\m/\m/\m/\m/ ده أنا كنت >-)>-)>-)>-) أزعل منك أوى [-([-([-([-( :)):)):)):)) لا ولا يهمك لو كانت بايخه قول متتكسفش عشان اجيبلك واحده زيها بالظبط >:)>:)>:)>:) |
ولا يهمك كل اليجي من عندك كويس شكرا يا هنم
|
أوكى يا محمود
|
بجد قصة جامدة
يا ريت اشوف احلى من كدة |
لا بجد تحفه يا كارمن وجميله وفكرتها لذيذه وجديده ميرسي اوي ياقمر
|
انا الامير كان كلمنى على موضوع الجزمة ده وأنه كان عايز يعمل اعلان ع الماجيك بس أنا رفضت وجزمة ايه والكلام ده يلا بقى خلتونا نطلع اسرار السايت جامدة جداً يا كارمن وكل سنة وانتى طيبة |
على فكرة كان فى شك ان الجزمة دى بنت عم الى انضرب بيها بوش
اصلهم من عيلة شقية شوية هههههههههههههههه والله يا كارمن قصة على التراز الحديث جدا ربنا يسطر ومنمشى وصحة القيكى بتقلنا ان ابو الهول زهق من الاقعدة مكانو راح يتمشى على الكرنيش هههههههههههههههههههههه تسلم ايدك |
ميرسى ليك يا على عالمرور
|
منوره المنتدى يا أميره
ميرسى ليكى عالمرور |
ليه يا رامى بس مش عاوز تعلن عنها عالماجيك
ده الامير قاللى انه هيدفع كتير اوى ده هيدفع بالدولار واليورو لو تحب متنشفش دماغك انت بس ميرسى ليك عالمرور |
أبو الهول يتمشى عالكورنيش ايه بس يا بلابل
أبو الهول دلوقتى بيصيف فى مارينا ولما يرجع هينزل شويه يعمل شوبينج من المول اللى على أول الشارع |
المهم مرات أبوها راحتلها بعد ما اتجوزت وحبت تراضيها علشان
علشان ايه؟؟ |
عشان طبعا ينوبها من الحب جانب
وتاخدلها كام الف يورور ميرسي رضوان عالمرور |
| الساعة الآن 07:10 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir