لو سامعنى................أدخل
 

لو سامعنى ركز وفتح ودانك اتحرك وانت فى مكانك استخدم مره خيالك
ليه وصلنا مطرح ما كنا ابتدينا انكسرنا وانتهينا كله راح قدام عنينا
عندى ليك 100 سؤال وفين الاجابه دى دنيا واللا دى غابه كل الناس عاملين غلابه
مهما ناخد عمرنا ما بنقول كفايه ومبنشبعش فى النهايه جوه عقلى 100 حكايه
اوعاك تستسلم لما تبكى بالساعات
لما تصرخ من جواك ومحدش يسمع الأهات
مجتمعنا زى الأرض والعمل هو السماد
والروتين والمحسوبيه والكسل هما الأفات
يبقى ايه بس فى ايدينا عشان نمنع الفساد
نلعب جيم ناخد كورس عشان نعجب البنات
واللا نذاكر طول حياتنا عشان نعلق شهادات
واللا نقف عالنواصى وقدام المحلات
أبسط مثل هقوله عن الغدر والخداع
واحد صاحبى كان معايا ولما جت مصلحته باع
عايز ياخد فوق حقه فاكر الدنيا بالدراع
ده مينفعش يكون صاحب وبقولها عالمشاع
واللى عملته ما كانش ثقه صدقنى ده كان غرور
افتكرت نفسك قوى عشان كنت مشهور
دلوقتى شئ تانى اتغيرت الأمور
وابقى تعالى اقف قدامى ويبقى يحكم الجمهور

لو حاولنا نفسر كلمة صراع الأجيال
هو اختلاف الرأى بين الكبار والعيال
حقيقه مش خيال وتغييره شئ محال
يا ترى هو ده يبقى سبب الاختلال؟
كل حاجه فى الحياه بقت دايره اقتصاديه
عشان تحكم على حد لازم تسأل عالماهيه
حتى الحب والجواز كل حاجه بقت ماديه
وكل الناس بقت سطحيه
ومش مهم الشخصيه
والناس بقت بتحكم بالجزمه والساعه
ولو فتحت الراديو هتلاقى اعلانات مش اذاعه
والدنيا حالها اتقلب كل حاجه بقت متباعه
ويأسنا هو الشماعه
وانقرضت القناعه
مستقبلنا هيبقى أحسن من ماضينا
لو طورنا أو كملنا اللى بنوه اللى قبلينا
لو حاولنا حتى نهدى من تكدس المدينه
قولتلكوا قبل كده لازم نبص حاولينا


عايز أقول لكل الناس اللى عاشت هتموت
بس مش كل الناس اللى ماتت عاشت

***دى أغنيه لمغنى راب اسمه كريم نجيب والالبوم بتاعه كله أغانى كده للى عايز يسمع فن بجد وحاجه حماسيه
ياريت تقولولى ايه رأيكم فى الأغنيه

تسلم ايدك يا كارمن

على الاغنيه وانتى حفظتيها بس ازاى يا شقيه يا ريت تقوليلى بس ازاى ادور على الاغنيه
بصراحه حاجه جامده دى حاجه مش عاديه شكلك يا كارمن هواة المزيكا دي

اغنية جميلة من افضل عضوة ياريت كل عضو يرد

ميرسى ليكم على المرور وفعلا يا جولدن انا بحب النوع ده أوى
الحاجات اللى تصحصح الشباب دى مطلوبه اوى فى الزمن ده

انا بحب برده النوع ده ولو تعرفى فريق ام تى ام برده نفس الاغانى الراب

اه طبع اعرف ام تى ام
وبحب كل الاغانى الراب

نفسى احفظها

لو سمعتوها 20 مره زي ما أنا سمعتها كده هتحفظوها
ههههههههههه
ويا البرنس الوحدانى
دى مش فرقه ده مغنى راب اسمه كريم نجيب
الالبوم بتاعه كله جامد كده

ياكارمن ده انتى قرفينى بالاغنية دى كل شوية تسمعيها لما خلتينى احفظها انا كمان

عموما ميرسي ياستى ليكى

*******

مستقبلنا هيبقى أحسن من ماضينا
لو طورنا أو كملنا اللى بنوه اللى قبلينا
لو حاولنا حتى نهدى من تكدس المدينه
قولتلكوا قبل كده لازم نبص حاولينا

جميلة ياكارمن اوى

تسلم ايديكى يا قمر

الله يسلمك
ميرسى على المرور هيمه

***********

ألف شكر

كريم نجيب من المغنييين المفضلين ليا

وانا سمعته شريطه أول ما طلع وحافظ كل الاغاني الي فيه

ههههههههههههههههههههه
يالهوى يا كارمن
حتى نزلتيها في المنتدى
حررررررررررررررام عليكى
مش كفاية قرفانى بيها
كل سنيتين تسمعيها
ههههههههههههههههههههههههه هههههههههه
بس بجد اغنية حلوة وانا بحبها

ميرسى ليك ساينتيست وأسمر على المرور
وعلى فكره يا مانوللى انتى رديتى على الموضوع ده قبل كده
مش هتبطلى حركاتك المفقوسه دى
دايما فقساكى كده
هههههههههههههههههههه

بجد جامدة يا كارمن...
يا نجمة المنتدىوالله تستحقي الإدارة.

ميرسى ليك يا ميدو على المرور
والله انت بتحرجنى بذوقك ده

والله انتى كده تعجبينى يا سها
انا بموت فى كريم نجيب وسمعت الالبوم بتاعه كله
وبموت فى كل اغانى الراب
ام تى ام ومودى راب وكل دول فن جامد وراقى فعلا
وان شاء الله نبقى اصحاب

ميرسى ليك يا عمر
والله انت اللى كل يوم بتزداد تقدم
ميرسى على ذوقك