|
تصبح علي خير يابوس
انا مش عندي انتي مؤلفه قوليلنا انتي يلا |
يا حلاااااااااااااااوتكم
ماشي طب تحبوا احكيلكم حكايات قالوهالي ناس من بلدي (يعني القريه) واللا حاجات حصلت حكوهالي ناس هنا من كايرو تفضلوا يعني حكايات المدن واللا القرى |
اللي تحبيه المهم عاوزه حاجه رعب كاني بتفرج علي فيلم رعب بجد والله ليا مزاج ع الاخر يلا ياكوكي
|
بصي يا ستي هقولك
واحده قالتلي ان كان فيه مره واحده بس دي قصه حقيقيه يعني مش هتكون زى الافلام ليها بدايه ونهايه وهكذا لا انا هحكي الحقيقه نفسها اللي اتحكتلي مره واحده كات ماشيه الساعه 10 بالليل في شارع من شوارع المعادي اللي ربنا اعلم بيها وباللي فيها طبعا انتوا عارفين المعادي وما يقال عنها من الساعه 6 المغرب اصلا بتبقى الشوارع هوس هوس خالص |
أختنا دي بقى كات مخلصه درس في أيام الامتحانات
يوم من أيام المراجعات اللي الدروس فيها بتقعد كذا ساعه وبتبقى في وقت متأخر هي طبعا مشيت مع زمايلها لمكان معين بعد كده كل واحد راح في طريقه واختنا كان طريقها من الشارع ده شارع نظامه بقى فيلل وعمارات رايقه كده وشجر طبعا عارفه انتى الشوارع دي |
أختنا دي بقى بتقول
أنا اتحكالي طبعا من ناس تانيه وبعدين البنت دي كانت من زمان أيام ما كات المعادي كلها مقطوعه زي ما بقولك كده البنت دي بقى قالت ايه كنت ماشيه مرعوبه وخايفه اوى أحسن حد يطلعلي يهجم عليه في الحته المقطوعه دى طبعا مكان مقطوع كده أكيد مليان حراميه ومساطيل وبلاوي سوده بتقول هو ده بس اللي كنت خايفه منه ان شاب او حرامي او كده يهجم عليه |
اه اكيد عارفينه كملي
|
بس طبعا أختنا مكتش عامله حسابها تشوف حاجه تانيه غير الحراميه
كان كل خوفها يا عينى من البني آدمين وانا لو مكانها ساعتها والله كنت اتمنيت ان يطلعلي الف حرامي اهون عليه المهم اختنا كتمت مشاعرها وفضلت ماشيه وفجأه سمعت صوت من جنبها بس طبعا مش شايفه اى حاجه صوت غريب كده صوت كأن واحده بتصرخ بصوت واطي أوي صوت عامل زي الأنين عارفه آه آه بعياط كده ونشيج |
هاه وبعدين
|
طبعا الحكايات دي بنسمع عنها كتير
وأكيد ياما البنت دي سمعت عن حكايات زي كده قبل كده بس مكانتش تتخيل ان ده ممكن يحصلها هي زي ما انا وانتى واى حد فينا عمره ما يتخيل ان ده ممكن يحصل له هو بالذات دون عن خلق الله الباقيين البنت مصدقتش ودنها وقالت ده كله تخريف وبسبب الخوف بس الصوت فضل بإصرار عجيب البنت بصراحه مقدرتش تملك نفسها من كتر الرعب والخوف وبدأت تجري وصوت خطواتها عالأسفلت وهي بتجري بيرعبها أكتر وفجأه وقعت يادي النيله والحظ المهبب حبكت تقع |
| الساعة الآن 05:35 PM. |
Powered by vBulletin® Version 3.8.12 by vBS
Copyright ©2000 - 2025, Jelsoft Enterprises Ltd.
TranZ By World 4Arab
www.q8-one.com